PRIMA MIGNIN
Poesia di Censsin Lagna - (1950)
A l'è partì con la cartela 'n man,
el colet bianch e la croata bleuva
mentre na grossa lagrima pian pian
a-j robatava 'n sla divisa neuva.
E mi, ch'i lo vardava da lontan
e pi angossà che chiel da costa preuva
l'hai faje 'n gest, un largh salut ed man,
n'auguri a la soa vita ch'as rineuva.
Me bel fiolin ch'i t'intre già 'nt la vita
cunà dai primi seugn e dal sagrin,
afronta 'ncheui la prima strà, pi cita.
Ch'at porterà doman al to destin
e mi 't compagnerai con l'esperienssa
fin-a ai me ultim ani d'esistensa.
Dedicata al figlio nel primo giorno di scuola elementare
Nessun commento:
Posta un commento